UEFA Champions League ឈាន​ចូល​ដល់ប្រកួតទី​ពីរ​នៃ​វគ្គ​ចែក​ពូល​ ដែល Manchester United នឹងទទួល​ស្វាគមន៍ក្រុមភ្ញៀវ Galatasaray ។

United បច្ចុប្បន្នកំពុងឈរនៅបាតតារាងនៃពូល A បន្ទាប់ពីចាញ់ Bayern Munich ៤-៣ ខណៈដែល Galatasaray ឈរនៅលេខ៣ បន្ទាប់ពីប្រកួតស្មើជាមួយ​ Kobenhavn ២-២​។

ជាមួយនឹងការធ្វើដំណើរទៅកាន់ទីក្រុង Munich និង Istanbul នឹងមកដល់​ខាងមុខ នេះគួរតែជាការប្រកួតដែលត្រូវតែឈ្នះសម្រាប់ United ប្រសិនបើពួកគេចង់ឈរនៅក្រុមចំណាត់ថ្នាក់កំពូលទាំងពីរក្នុងពូល។

Galatasaray បានប្រមូលផ្តុំជម្រើសក្រុមមួយដ៏ខ្លាំងប៉ុន្មានឆ្នាំចុងក្រោយនេះ ហើយអាចដណ្តើមបានពាន Super Lig វិញកាលពីរដូវកាលមុន បន្ទាប់ពីខកខានរយៈពេលបីឆ្នាំ។​ ជាមួយនឹងទម្រង់ប្រយុទ្ធដែលដឹកនាំដោយអតីតខ្សែប្រយុទ្ធរបស់ Inter និង PSG កីឡាករ Mauro Icardi Galatasaray មិនដែលអត់មានគ្រាប់បាល់ស៊ុតបញ្ចូលទីឡើយ។

ដោយឡែកក្នុងការប្រកួតជម្រុះ Champions League របស់ Galatasaray គិតមកទល់បច្ចុប្បន្ន​ពួកគេមិនស្គាល់ចាញ់សោះសរុប​ 14 ប្រកួត។

ការព្យាករណ៍​ :​ ដោយសារក្រុមម្ចាស់ផ្ទះកំពុងតែខ្វះខាតកីឡាករនៅតំបន់ការពារមួយចំនួន វាសមហេតុផលណាស់ដែលរំពឹងថា Galatasaray នឹងរកគ្រាប់បាល់បាន។​ យ៉ាង​ណា​មិញ កីឡាកររបស់ United ប្រាកដជាដឹង​ពី​សារៈសំខាន់​នៃ​ការ​ប្រកួត​នេះ​ ហើយនឹងបង្ហាញពីទម្រង់លេងកាន់តែប្រសើរឡើង ដើម្បីយកបីពិន្ទុដ៏សំខាន់ក្នុងការប្រកួតនេះ។

ដូច្នេះ ជម្រើសចម្បងរបស់យើងសម្រាប់ការប្រកួតនេះគឺ​ Manchester United​ ឈ្នះ​ ដោយក្រុមទាំងពីរនឹងស៊ុតបញ្ចូលទីគ្នា៕