តារាឆ្នើមរបស់ប្រេស៊ីល Neymar បានវាយបកវិញចំពោះ "ការភូតកុហក" និង "មិនគួរឱ្យគោរព" បន្ទាប់ពីមានការលើកឡើងថា គាត់កំពុងព្យាយាមធ្វើឱ្យគ្រូបង្វឹក Al-Hilal លោក Jorge Jesus ត្រូវបណ្តេញចេញ។

សរសេរនៅលើគណនី Instagram Neymar បាននិយាយថា “ជាការភូតកុហក… អ្នកទាំងអស់គ្នាត្រូវឈប់ជឿលើរឿងទាំងនេះ គេហទំព័របែបនេះ… ជាមួយនឹងអ្នកតាមដានរាប់លាននាក់ អ្នកមិនអាចបន្តបង្ហោះព័ត៌មានក្លែងក្លាយបែបនេះបានទេ! ដោយការគោរពនៅជុំវិញពិភពលោក ខ្ញុំសុំឱ្យអ្នកបញ្ឈប់រឿងនេះ​ នេះ​ជាអ្វីដែលមិនគួរឱ្យតម្លៃទាល់តែសោះ។”

គួរបញ្ជាក់ថា Neymar​ ​បាន​បង្ហាញ​ខ្លួន​បី​ដង​នៅទូទាំងការប្រកួតទាំងអស់ និង​ផ្តល់​បាល់ជំនួយ​ពីរគ្រាប់​ ដែលបានឱ្យឃើញថា Al-Hilal ពង្រីកលទ្ធផលមិនស្គាល់ចាញ់ដល់ទៅ ៩ប្រកួត ប៉ុន្តែអ្វីគ្រប់យ៉ាងហាក់ ដូចជាមិនស្ងប់ស្ងាត់ ជាពិសេសសម្រាប់ Neymar៕