លោក​ Mauricio Pochettino​ បានដឹកនាំក្រុមតោខៀវ Chelsea ឱ្យឈ្នះការប្រកួត Premier League តែ​ ១ប្រកួតគត់ ក្នុងចំណោម ៦ប្រកួតដំបូងរបស់គាត់នៅរដូវកាលនេះ ដោយសង្ឃឹមថា នឹងអាចយកឈ្នះលើក្រុមកំពុងឡើងជើងខ្លាំង Brighton ក្នុងការប្រកួតពានរង្វាន់ Carabao Cup ។

Chelsea អាច​ត្រូវ​បាន​ចាត់​ទុក​ថា ​ជា​ក្រុម​លេងអន់​នៅ​ក្នុង​ទឹកដី​ ដោយសារតែ​មិន​អាច​រក​គ្រាប់​បាល់​បាន ៣ប្រកួត​​ចុង​ក្រោយ​ ហើយ​មាន​កីឡាករ​ប្រាំបួន​នាក់ ​ដែលរង​របួស ឬ​ត្រូវ​ព្យួរជើង។

លោក​ Pochettino​ និយាយថា Chelsea ត្រូវការ "ឈ្នះឥឡូវនេះ" ប៉ុន្តែក៏មានការព្រួយបារម្ភតិចតួចលើការលេងដែលកីឡាកររបស់គាត់កំពុងតែធ្វើនៅលើទីលានប្រកួតកន្លងមក៕