Farhad Moshiri ទំនង​ជា​នឹងលក់​ក្លឹបនៅ Premier League​ Everton ទៅឱ្យក្រុមហ៊ុនវិនិយោគដែលមានមូលដ្ឋាននៅទីក្រុង Miami ដែលមានឈ្នោះ​ 777 Partners ។

យោងតាមការរាយការណ៍ វិនិយោគិនពហុក្លឹប 777 Partners កំពុងតែពិភាក្សាជាមួយលោក Farhad Moshiri ដែលជាម្ចាស់ភាគហ៊ុនធំរបស់ Everton ។

កាលពីខែកុម្ភៈលោក Farhad Moshiri បានប្រាប់ក្រុមប្រឹក្សាភិបាលរបស់អ្នកគាំទ្រ Everton ថាក្លឹប "មិនមែនសម្រាប់លក់ទេ" ប៉ុន្តែវាហាក់ដូចជាអ្នកជំនួញជនជាតិ​ អង់គ្លេស​ និងអ៊ឺរ៉ង់​ បច្ចុប្បន្នមានបំណងលក់ក្លឹបនេះ។

ទោះបីជារូបគាត់បានវិនិយោគទឹកប្រាក់ច្រើនជាង ៧៥០លានផោនតាំងពីឆ្នាំ២០១៦ ក៏ដោយក៏អ្នកគាំទ្រ Everton មួយចំនួនមិនសប្បាយចិត្តចំពោះភាពជាម្ចាស់របស់លោក​ Farhad Moshiri ។​ ហើយ​អ្នកគាំទ្រទាំងនោះ បានអំពាវនាវឱ្យលោក​ Moshiri និងក្រុមប្រឹក្សាភិបាលចាកចេញផងដែរកាលពីរដូវកាលមុន៕