យោងតាមកាសែត Daily Mail បានរាយការណ៍ថា Manchester United កំពុងសម្លឹងមើលពីលទ្ធភាពនៃការចុះហត្ថលេខាលើអតីតខ្សែបម្រើស្លាបរបស់ Aston Villa កីឡាករ Anwar El Ghazi ជាជម្រើសដើម្បីជំនួសតំណែង Antony និង Jadon Sancho។

កីឡាករសញ្ជាតិហូឡង់រូបនេះ អាចនឹងក្លាយជាកីឡាករដែលផ្ទេរដោយឥតគិតថ្លៃ បន្ទាប់ពីចាកចេញពី PSV កាលពីរដូវក្តៅ ទោះបីជាគេជឿថា ខ្សែបម្រើស្លាបរូបនេះ កំពុងត្រូវបានផ្តល់ជូនពីក្លឹបនៅ Saudi Pro League ក៏ដោយ។

លោក Erik ten Hag កំពុងតែជួបបញ្ហាក្នុងដំណែងកីឡាករស្លាបស្តាំ បន្ទាប់ពី Antony ត្រូវបានដាក់ឱ្យសម្រាករហូតដល់មានការជូនដំណឹងបន្ថែម បន្ទាប់ពីត្រូវបានចោទប្រកាន់ថា គាត់បានវាយលើស្ត្រីបីនាក់ ហើយអនាគតរបស់ Sancho នៅ Old Trafford កំពុងស្ថិតក្នុងការសង្ស័យ បន្ទាប់ពីគាត់មានបញ្ហាជាមួយគ្រូបង្វឹក៕