Pogba អាចប្រឈមមុខនឹងការពិន័យរយៈពេល ៤ឆ្នាំ ប្រសិនបើរកឃើញថា មានប្រើប្រាស់សារធាតុ​ តេស្តូស្តេរ៉ូន​(testosterone)​ ។

សារព័ត៌មាន​ Corriere Della Sera អះអាងថា សញ្ញានៃសារធាតុ​ តេស្តូស្តេរ៉ូន (testosterone)​ ត្រូវបានរកឃើញនៅក្នុងខ្លួនរបស់ Pogba បន្ទាប់ពីបញ្ចប់ការប្រកួត​របស់ Juventus ដំបូងក្នុងរដូវកាលថ្មី។

បច្ចុប្បន្ន​ Pogba មិន​ទាន់​មានការឆ្លើយតបអ្វី​ទេ ប៉ុន្តែ​កីឡាករ​សញ្ជាតិ​បារាំង​រូប​នេះ ​ត្រូវ​បាន​ប្រធាន​ប្រឆាំង​សារធាតុ​ញៀន​របស់​អ៊ីតាលី ​ផ្អាកការប្រកួតជា​បណ្ដោះ​អាសន្ន។

ភ្នាក់ងាររបស់ Pogba លោក Rafaela Pimenta បាននិយាយថា “យើងកំពុងរង់ចាំលទ្ធផលធ្វើតេស្តចេញមក ហើយយើងមិនអាចនិយាយអ្វីបានទេ ឥឡូវនេះ។"

គួរបញ្ជាក់ថា​ តេស្តូស្តេរ៉ូន​ (testosterone) គឺជាអរម៉ូនដែលអាចបង្កើនកម្លាំងសាច់ដុំ និងត្រូវបានរកឃើញនៅក្នុងផលិតផលផ្សេងៗតាមវេជ្ជបញ្ជានៅតាមឱសថស្ថាន៕