ការរំពឹងទុកអំពីអនាគតរបស់ Mohamed Salah នៅ Liverpool អាចនឹងកើនឡើងកាន់តែខ្លាំងក្នុងសប្តាហ៍នេះ ប៉ុន្តែគ្មាននរណាម្នាក់ដែលស្ងប់ស្ងាត់ជាងលោក Jurgen Klopp​ នោះទេ​ ទាក់ទងទៅនឹងអនាគតរបស់តារាឆ្នើមរូបនេះ។ 

Liverpool បានបដិសេធការដេញថ្លៃ ១៥០លានផោន សម្រាប់កីឡាករអន្តរជាតិសញ្ជាតិអេហ្ស៊ីប ពីក្លឹប Al-Ittihad កាលពីសប្តាហ៍មុន ដោយហង្សក្រហមបានទទូចថា កីឡាករវ័យ ៣១ឆ្នាំរូបនេះ មិនមែនសម្រាប់លក់នោះទេ។

បន្ទាប់ពី Mohamed Salah ស៊ុតបញ្ចូលទីបានមួយគ្រាប់ និងសកម្មភាពលេងជាមួយក្រុម​ ដែលហង្សក្រហមបានផ្តួល Aston Villa ក្នុងលទ្ធផល 3-0 កាលពីថ្ងៃអាទិត្យ។ 
លោក Klopp បានលើកឡើងថា Salah គឺតែងតែធ្វើឱ្យអស់ពីសមត្ថភាពរបស់គាត់សម្រាប់ក្លឹប។

ដោយបានប្រាប់ទៅកាន់ Sky Sports ថា "ខ្ញុំគ្មានការសង្ស័យអំពីគោលជំហរ​ Mohamed Salah ចំពោះក្លឹបនេះទាល់តែសោះ"។ "អ្នក​មិន​នឹក​ស្មាន​ដល់​ថា​ តើ​ពិភព​លោក​មាន​ភាព​ច្របូកច្របល់​ប៉ុណ្ណា​ទេ ប៉ុន្តែ​តើ​យើង​មាន​ភាព​ស្ងប់​ស្ងាត់​កម្រិត​ណា។ គាត់​ជា​កីឡាករ​របស់​យើង ហើយ​ចង់​លេង​នៅ​ទី​នេះ"៕