ក្លឹបទើបនឹងឡើងមក Premier League ថ្មី​ Burnley ត្រូវប្រកួតជាមួយ Tottenham ក្នុងកីឡដ្ឋាន Turf Moor នៅរសៀលថ្ងៃសៅរ៍ ដែលក្រុមម្ចាស់ផ្ទះកំពុងតែស្វែងរកជ័យជម្នះដំបូង។

នៅដើមរដូវកាលថ្មីនេះ​ Burnley បានរងបរាជ័យក្រោមថ្វីជើង Manchester City និង Aston Villa ទាំងពីរប្រកួត។ ហើយ​មិនត្រឹមតែចាញ់ទាំងពីរប្រកួត​ក្នុងទឹកដី Turf Moor របស់ខ្លួនឯងទេ​ Burnley ក៏បានរបូតគ្រាប់បាល់​ ៣គ្រាប់ នៅក្នុងការចាញ់នីមួយៗផងដែរ។

ចំណែកឯ​ Spurs វិញ​ នៅតែមិនស្គាល់ចាញ់នៅឡើយទេ​ ៣ប្រកួតបើកឆាក ដោយទទួលបាន ៧ពិន្ទុ ពីការប្រកួតទាំងបីនេះ។

អ្វីដែលសំខាន់បំផុតសម្រាប់​ Spurs​ គឺការបញ្ចប់ដោយឈរនៅកំពូលទាំងបួនក្នុងតារាង​ ដែលជាមហិច្ឆតារបស់ពួកគេក្នុងរដូវកាលនេះ។​ ក៏សូមបញ្ជាក់ដែលថា​ ១៤ប្រកួតក្រៅទឹកដីកន្លងមក Spurs ឈ្នះតែ ២ប្រកួតប៉ុណ្ណោះ។ 

ការព្យាករណ៍​ :​ Burnley កំពុងតែមានការខកចិត្តសម្រាប់ដើមរដូវកាលថ្មី​ ឆ្លើយតបទៅការវិលត្រឡប់មក Premier League​ វិញ​ ស្របពេលដែល Spurs ធ្វើបានយ៉ាងល្អនាពេលថ្មីៗនេះ​ ហើយពួកគេក៏ទំនងជានឹងដណ្តើមយកជ័យជំនះនៅថ្ងៃសៅរ៍នេះផងដែរ។​ ដូច្នេះ ជម្រើសចម្បងរបស់យើងនៅក្នុងការប្រកួតនេះគឺ Tottenham ឈ្នះ៕