Romelu Lukaku នឹងធ្វើដំណើរត្រលប់ទៅកាន់ប្រទេសអ៊ីតាលីវិញ​ ដើម្បីជួបជុំគ្នាជាថ្មីម្តងទៀតជាមួយលោក Jose Mourinho នៅឯ Roma បន្ទាប់ពី Chelsea បានយល់ព្រមលើលក្ខខណ្ឌខ្ចីជើងថ្មី សម្រាប់ខ្សែប្រយុទ្ធរូបនេះ។

Roma ទទួលយកកីឡាករសញ្ជាតិបែលហ្ស៊ិករូបនេះ ក្នុងលក្ខខ័ណ្ឌខ្ចីជើងពេញមួយរដូវកាល​ ដែលត្រូវចំណាយទឹកប្រាក់ចំនួន ៨លានផោន បន្ទាប់ពីមានការចរចារគ្នាកាលពីថ្ងៃចន្ទ។

គួរបញ្ជាក់ថា​ អតីតគ្រូបង្វឹករបស់ Chelsea និង Manchester United លោក Mourinho ធ្លាប់បានដឹកនាំ Lukaku រយៈពេលមួយឆ្នាំកន្លះនៅ Old Trafford គឺចន្លោះរដូវក្តៅឆ្នាំ២០១៧ ដល់ខែធ្នូ ២០១៨៕