Liverpool នឹងធ្វើជាម្ចាស់ផ្ទះស្វាគមន៍ក្រុមភ្ញៀវ Bournemouth នៅថ្ងៃសៅរ៍នេះ ដែលក្រុមទាំងពីរកំពុងស្វែងរកការឈ្នះដំបូងដូចគ្នា នៅ Premier League សម្រាប់រដូវកាលថ្មីនេះ។

Liverpool ក្រោមការដឹកនាំរបស់លោក Jurgen Klopp បានប្រកួតឈ្នះ Bournemouth 7 ប្រកួតក្នុងជំនួប ៨ប្រកួតចុងក្រោយ​ ហើយកាលពីរដូវកាលមុន​ Liverpool ក៏បានបំបាក់ Bournemouth យ៉ាងចាស់ដៃផងដែរ ក្នុងលទ្ធផល​ ៩-០​។ 

យ៉ាងណាមិញ​ Bournemouth ក៏បានសងសឹក​លើ​ Liverpool ក្នុងជំនួបលីគកាលពីរដូវកាលមុនវិញដែរ​ ដោយឈ្នះ ១-០ ដែលជាការប្រកួតក្នុងទឹកដីរបស់ខ្លួន។ 

Bournemouth អាចនឹងពិបាក ដើម្បី​ឈ្នះលើ​ Liverpool នៅចុងសប្តាហ៍នេះ​ ដោយសារតែ​ Bournemouth​ មានកំណត់ត្រាឈ្នះការប្រកួតក្រៅទឹកដី​ ត្រឹមតែ ៤ប្រកួតប៉ុណ្ណោះចំណោម​ ១៦ប្រកួតចុងក្រោយនៅ​ Premier League ។

ការព្យាករណ៍​ :​ Liverpool មិន​ស្គាល់​ចាញ់​ទាល់តែសោះ​នៅក្នុងទឹកដី​ ១២ប្រកួត​ចុង​ក្រោយ​ ជាមួយនឹងការពិចារណាលើទម្រង់លេងមិនស៊ីសង្វាក់គ្នារបស់ Bournemouth ក្រុមម្ចាស់ផ្ទះគួរតែឈ្នះការប្រកួតនេះដោយងាយស្រួល។ 
ដូច្នេះ ជម្រើសរបស់យើងសម្រាប់ការប្រកួតរវាង​ Liverpool និង​ Bournemouth គឺ Liverpool នឹងឈ្នះការប្រកួតនេះ យ៉ាងតិចក្នុងលទ្ធផល ២-០៕