Kevin de Bruyne អាចនឹងខកខានមិនបានចូលរួមប្រកួតរយៈពេល ៤ខែ ដែល Manchester City នឹងសម្រេចចិត្តថាតើគាត់ត្រូវការវះកាត់របួសសរសៃពួរ ឬក៏យ៉ាងណា​ នេះបើតាមប្រសាសន៍របស់លោក​ Pep Guardiola ។ 

កីឡាករវ័យ ៣២ឆ្នាំរូបនេះ បានប្តូរចេញបន្ទាប់ពីចូលលេងត្រឹមតែ ២៣នាទី ក្នុងការប្រកួតបើកឆាករវាង City និង​ Burnley កាលពីថ្ងៃសៅរ៍។

De Bruyne ក៏​បានប្តូរចេញដោយសារតែ​របួស​ដែរ​ក្នុង​អំឡុង​ពេល​ប្រកួត Champions League វគ្គ​ផ្តាច់ព្រ័ត្រជាមួយ Inter Milan កាល​ពី​ខែ​មិថុនា។

កីឡាករអន្តរជាតិបែលហ្ស៊ិករូបនេះ​ មិនបានចូលរួមការប្រកួតមិត្តភាពមុនបើករដូវកាលជាមួយ City ទេ​ ហើយបានត្រឹមតែជាកីឡាករបម្រុងដែលប្តូរចូលលេងក្នុងតង់ទី២ ពេលប្រកួត ដណ្តើមពាន Community Shield ចាញ់ Arsenal​៕