បើកការប្រកួតដំបូងសម្រាប់រដូវកាល 2023/24, Manchester United ចាប់ផ្តើមការប្រកួតដំបូងជាមួយនឹងកឆរលេងក្នុងទឹកដីស្វាគមន៍ Wolverhampton Wanderers នៅយប់ថ្ងៃចន្ទ។

ការប្រកួតក្នុងទឹកដី​កាលពីរដូវកាលមុន United ឈ្នះសរុប​១៥ប្រកួត បើគិតតែការប្រកួតក្នុងលីគ ប៉ុន្តែក៏ចាញ់ច្រើនជាងគេដែរ ​ក្នុងចំណោមក្រុមកំពូលទាំងបួន គឺចាញ់​៩​ប្រកួត​។

យ៉ាង​ណា​មិញ United បាន​បញ្ចប់​រដូវកាលមុន​យ៉ាង​ល្អ ដោយ៤ប្រកួតចុង​ក្រោយ​ពួកគេឈ្នះទាំង​អស់។

រីឯ​ Wolverhampton Wanderers វិញ​ ៥​ប្រកួត​ចុង​ក្រោយ​ក្នុងលីគកាលពីរដូវកាលមុន​ ចាញ់​៣ប្រកួតដោយ​គ្មាន​គ្រាប់​បាល់​ស៊ុតបញ្ចូល​ទី។ ៤​ប្រកួតក្រៅទឹកដីចុងក្រោយ​ Wolves​ ចាញ់​ទាំង៤ ​ដោយក្នុងមួយប្រកួតរបូតគ្រាប់បាល់​យ៉ាងតិច២គ្រាប់។

ក្នុង​ការ​ប្រកួត​ក្រៅទឹក​ដី​៨ប្រកួតចុង​ក្រោយ​របស់​ Wolves ពួក​គេ​អត់មានឈ្នះមួយប្រកួតទេ​ បានត្រឹបតែ​ស្មើ​២​ប្រកួត​ប៉ុណ្ណោះ។

សូមបញ្ជាក់ថា​ជំនួបរវាង Manchester United vs Wolverhampton Wanderers ៦​ប្រកួតចុងក្រោយ United​ ឈ្នះ​៥ដង​ ហើយ​ Wolves វិញឈ្នះតែ​ម្តងទេ។

ការព្យាករណ៍​ :​ United មាន​ទម្រង់​លេង​យ៉ាង​ល្អ​នៅ​ក្នុងទឹកដី​កាល​ពី​រដូវ​កាល​មុន​ ក៏​ដូចជាពេលប្រកួតទល់នឹង Wolves ផង​ដែរ។​ 
ការព្យាករណ៍របស់យើងសម្រាប់ការប្រកួតរវាង Manchester United និង Wolverhampton Wanderers គឺ​ Manchester United នឹងឈ្នះការប្រកួតនេះ៕