អ្នកអង្គម្ចាស់​ Sheikh Jassim bin Hamad Al Thani របស់ប្រទេសកាតា​ បានធ្វើការដេញថ្លៃជាលើកទីប្រាំដើម្បីទិញក្លឹប​ Manchester United នៅដើមសប្តាហ៍នេះ បន្ទាប់ពីគ្រួសារ Glazer​ ដែលជាម្ចាស់ក្លឹបបច្ចុប្បន្នបានប្រកាសលក់កាលពីខែវិច្ឆិកា​។ 

សូមបញ្ជាក់ថា​ នេះនឹងក្លាយជាការដេញថ្លៃចុងក្រោយរបស់អ្នកអង្គម្ចាស់​ Sheikh Jassim ហើយចាប់ពីថ្ងៃសុក្រនេះតទៅគាត់នឹងមិនលូកដៃក្នុងរឿងនេះទៀតទេ។

ការដេញថ្លៃនេះនឹងគ្រប់គ្រងមួយរយភាគរយ​ ពោលគឺជម្រះបំណុលរបស់ United ទាំងស្រុង​ និងផ្តល់ជូនទឹកប្រាក់ដាច់ដោយឡែកសម្រាប់ក្លឹប​ និងសហគមន៍មូលដ្ឋានផងដែរ។

ដោយតួលេខនៅក្នុងខែមីនាបានបង្ហាញថា United មានបំណុលសរុប​ ៩៦៩.៦​ លានផោន តាមរយៈការខ្ចីប្រាក់ពីធនាគារ និងថ្លៃផ្ទេរប្រាក់ដែលមិនទាន់មានការទូទាត់ជាមួយនឹងផ្នែកដែលពាក់ព័ន្ធ៕