ក្លិបនៅអារ៉ាប៊ីសាអូឌីត​ Al-Hilal មានសិទ្ធិចរចារផ្ទាល់ជាមួយ Kylian Mbappe ក្រោយពីបានធ្វើការដេញថ្លៃ ជាកំណត់ត្រាពិភពលោក​ ក្នុងតម្លៃ២៥៩លានផោន សម្រាប់ខ្សែប្រយុទ្ធរបស់ Paris St-Germain រូបនេះ។

សូមរំលឹកថា ការផ្ទេរ Neymar ពី Barcelona ក្នុងតម្លៃ២០០លានផោនក្នុងឆ្នាំ២០១៧ គឺជាកំណត់ត្រាបច្ចុប្បន្នរបស់​ PSG ដែលបានធ្វើឱ្យ Neymar ក្លាយជាកីឡាករថ្លៃបំផុត នៅលើពិភពលោក។

ការយល់ឃើញរបស់ PSG គឺថា Mbappe បានយល់ព្រមរួចទៅហើយ ដើម្បីចូលរួមជាមួយ Real Madrid នៅពេលដែលកិច្ចសន្យារបស់គាត់ផុតកំណត់។ ហើយទោះជាយ៉ាងណាក៏ដោយ លោក​ Nasser​ Al-Khelaifi បានបញ្ជាក់យ៉ាងច្បាស់ ពីការប្រកាន់គោលជំហរដ៏តឹងតែងរបស់គាត់ ដោយនិយាយថា "វាមិនអាចទៅរួចនោះទេ" ដែល Mbappe ត្រូវចាកចេញដោយទទេរនៅឆ្នាំ២០២៤៕