Lionel Messi បានចុះចតនៅអាកាសយានដ្ឋាន Ft. Lauderdale នៅថ្ងៃអង្គារ ដើម្បីរៀបចំខ្លួនសម្រាប់ពិធីបង្ហាញដែលត្រូវបានរៀបចំដោយក្លឹប MLS ថ្មី Inter Miami CF នៅថ្ងៃអាទិត្យ។

Messi បានចុះចតនៅថ្ងៃអង្គារនៅអាកាសយានដ្ឋាន Ft. Lauderdale រួមដំណើរជាមួយភរិយា និងកូនរបស់គាត់ ខណៈដែលក្លឹបក៏បានប្រកាសបញ្ជាក់ពីកម្មវិធីស្វាគមន៍ដែលត្រូវបានគេហៅថា "The Unveil" ហើយនឹងចាប់ផ្តើមនៅម៉ោង៦ល្ងាច​ ថ្ងៃអាទិត្យនៅកីឡដ្ឋាន DRV PNK ។  

សម្រាប់អ្នកដែលមានសំបុត្រពេញមួយរដូវកាលនៅ Inter Miami នឹងទទួលបានការចូលទស្សនាដោយឥតគិតថ្លៃ។

នៅក្នុងកិច្ចសម្ភាសន៍មួយពីទូរទស្សន៍អាហ្សង់ទីនដែលបានចេញផ្សាយកាលពីថ្ងៃអង្គាដោយរ Messi បាននិយាយថា គាត់នឹងធ្វើអ្វីគ្រប់យ៉ាងដែលគាត់មានទាំងអស់សម្រាប់ក្លឹប MLS ដែលបច្ចុប្បន្ននេះមានកំណត់ត្រា១០ប្រកួតជាប់គ្នា ដោយប្រកួតមិនដែលឈ្នះបន្ទាប់ពីស្មើ ២-២ កាលពីថ្ងៃអាទិត្យជាមួយ DC United៕