Tottenham បានឈានដល់កិច្ចព្រមព្រៀងផ្ទាល់មាត់ ដើម្បីចុះហត្ថលេខាលើកីឡាករ Manor Solomon។

Manor Solomon វ័យ ២៣ឆ្នាំ​រូបនេះ​ នឹង​ត្រូវ​ធ្វើការពិនិត្យ​សុខភាព​នៅ​សប្តាហ៍​នេះ ​មុន​ពេល​ត្រូវចុះ​កុងត្រា​ជាមួយ​ Spurs។

ខ្សែបម្រើស្លាបរូបនេះ បានលេងនៅ Fulham កាលពីរដូវកាលមុន ដោយគាត់បានស៊ុតបញ្ចូលទីបាន៥គ្រាប់ ក្នុងការបង្ហាញខ្លួន២៤ដង ហើយលោក Marco Silva មានបំណងចង់រក្សារូបគាត់ឱ្យនៅបន្តទៀត។

គាត់បានចូលរួមជាមួយ Fulham ក្នុងលក្ខខណ្ឌខ្ចីជើងពី Shakhtar Donetsk បន្ទាប់ពីការអនុវត្តច្បាប់របស់ FIFA ដែលអនុញ្ញាតឱ្យកីឡាករដែលលេងនៅអ៊ុយក្រែន អាចព្យួរកិច្ចសន្យារបស់ពួកគេបាន។

ច្បាប់នេះអនុវត្តចំពោះតែកីឡាករណា ដែលមិនមែនជាសញ្ជាតិអ៊ុយក្រែន ត្រូវបានណែនាំដោយ FIFA បន្ទាប់ពីការលុកលុយដោយរុស្ស៊ី៕