កីឡាករបាល់ទាត់របស់ក្រុម Manchester United​ កីឡាករ​ Antony បានបដិសេធការចោទប្រកាន់ពីបទហិង្សានៅក្នុងសារមួយ ដែលត្រូវបានបង្ហោះនៅលើប្រព័ន្ធផ្សព្វផ្សាយសង្គម កាលពីថ្ងៃពុធ។

ESPN Brazil បានបញ្ជាក់កាលពីដើមសប្តាហ៍នេះថា អតីតមិត្តស្រីរបស់ Antony គឺនាង​ Gabriela Cavallin បានដាក់ពាក្យបណ្តឹងទៅប៉ូលិស ប្តឹងគាត់កាលពីដើមខែនេះ ដោយចោទប្រកាន់បួនចំណុច​ អំពើហិង្សាក្នុងគ្រួសារ ហិង្សាលើរាងកាយ របួសស្មាន​ និងការគំរាមកំហែង។

ពាក្យ​បណ្តឹង​នេះ ​ត្រូវ​បាន​ដាក់​នៅ​ប៉ុស្តិ៍​ប៉ូលិស​ស្ត្រី ក្នុង​សង្កាត់​ Tatuapé នៃ​ទីក្រុង​សៅប៉ូឡូ ការស៊ើបអង្កេតកំពុងបន្តធ្វើឡើង។ 

មិនមានការ​ធ្វើ​អត្ថាធិប្បាយណាមួយពី​ Manchester United ជុំវិញ​ការ​ចោទ​ប្រកាន់​នេះនៅឡើយ​ទេ។

Antony បានឆ្លើយជាសាធារណៈជាលើកដំបូង​ បន្ទាប់ពីការអះអាងរបស់ស្រ្តីវ័យ២២ឆ្នាំម្នាក់ នៅក្នុងប្រទេសប្រេស៊ីល កាលពីដើមខែនេះ៕