ប្រភពបានប្រាប់ ESPN ថា Tottenham Hotspur បានចាប់អារម្មណ៍ក្នុងការចុះហត្ថលេខាលើខ្សែបម្រើកណ្តាលរបស់ Leicester City គឺកីឡាករ​ James Maddison ។ 

Spurs បានតាមដានកីឡាករវ័យ២៦ឆ្នាំរូបនេះ ជាច្រើនរដូវកាល ហើយគ្រូបង្វឹកថ្មីរបស់ក្លឹបគឺលោក Ange Postecoglou ត្រូវបានជឿជាក់ថា លោកក៏នឹងគាំទ្រការផ្លាស់ប្តូរនៅរដូវក្តៅផងដែរ។ 

របាយការណ៍បានបង្ហាញថា Leicester អាចនឹងទាមទារតម្លៃលើសពី៥០លានផោន សម្រាប់កីឡាករ Maddison ដែលនៅសល់កុងត្រាមួយឆ្នាំទៀត។

Leicester នឹងអនុញ្ញាតឱ្យ Maddison ចាកចេញ បន្ទាប់ពីត្រូវបានកាត់ចេញពី Premier League​ ស្របពេលដែលខ្សែបម្រើរូបនេះ ចង់បន្តអាជីពរបស់ខ្លួននៅក្របខ័ណ្ឌកំពូលរបស់អង់គ្លេស៕