កីឡាករ Alexis Mac Allister របស់ Brighton គ្រោងនឹងផ្ទេរទៅ Liverpool ក្នុងតម្លៃ៥៥លានផោន បន្ទាប់ពី Seagulls បានអនុញ្ញាតឱ្យខ្សែបម្រើរូបនេះ ធ្វើការពិនិត្យសុខភាព។

កីឡាករជម្រើសជាតិអាហ្សង់ទីន បានដើរតួយ៉ាងសំខាន់ ខណៈដែលជួយឱ្យ Brighton បានបញ្ចប់ដោយឈរនៅលេខ៦ ក្នុងក្របខ័ណ្ឌ Premier League កាលពីរដូវកាលមុន​ ហើយជាប់ឈ្នោះសម្រាប់ការប្រកួតនៅទ្វីបអឺរ៉ុបជាលើកដំបូង។

កីឡាករ​វ័យ​២៤​ឆ្នាំ​រូប​នេះ ​ក៏​បាន​ជួយ​ប្រទេស​របស់​ខ្លួន​ឱ្យ​ឈ្នះ​ពាន​រង្វាន់ World Cup ក្នុង​ខែ​ធ្នូ​ផង​ដែរ។

Liverpool ត្រូវការខ្សែបម្រើដោយសារតែ James Milner, Naby Keita និង Alex Oxlade-Chamberlain នឹងចាកចេញនៅរដូវក្តៅនេះ៕