មានមនុស្ស៧នាក់ដែលត្រូវបានផ្តន្ទាទោស ពីបទរើសអើងជាតិសាសន៍ ទៅលើខ្សែប្រយុទ្ធប្រេស៊ីល Vinicius Jr​ ។ 

បុរស៤នាក់ ត្រូវបានពិន័យជាប្រាក់ ៦០,០០០ អឺរ៉ូ (៥១,៧០០ ផោន) និងត្រូវបានហាមឃាត់មិនឱ្យចូលកីឡដ្ឋានរយៈពេល២ឆ្នាំ សម្រាប់ការព្យួររូប Vinicius នៅជិតកន្លែងហ្វឹកហាត់របស់ Real កាលពីខែមករា។

បុរស​ទាំង​បួន​នាក់​ត្រូវ​បាន​ចាប់​ខ្លួន​កាលពី១១ថ្ងៃ​មុន​និង​បាន​ដោះលែង​ឱ្យ​នៅ​ក្រៅ​ឃុំ​ដោយ​តុលាការ​ទីក្រុង Madrid ។

មនុស្សបីនាក់ផ្សេងទៀតត្រូវបានពិន័យជាប្រាក់ចំនួន ៥,០០០ អឺរ៉ូ (៤,៣០០ផោន) និងត្រូវបានហាមឃាត់ចូលកីឡដ្ឋានរយៈពេល១ឆ្នាំ សម្រាប់ការធ្វើកាយវិការរើសអើងជាតិសាសន៍ អំឡុងពេលការប្រកួតរបស់ Real នៅ Valencia កាលពីថ្ងៃទី ២១​ខែឧសភា៕