Mark van Bommel ត្រូវ​បាន​បុរស​ម្នាក់​ប្រដាប់​ដោយ​កាំភ្លើង​វាយប្រហារ ខណៈ​គាត់​ព្យាយាម​ជំរិត​យក​ខ្លួន​គាត់​ជាថ្នូរនឹងការដោះដូរយក​កិច្ចសន្យា​នៅ​ក្លិប Royal Antwerp នៃប្រទេស​បែលហ្ស៊ិក។

អតីតខ្សែបម្រើជម្រើសជាតិហូឡង់ដែលកំពុងដឹកនាំ Antwerp ទៅកាន់តំណែងជើងឯកបែលហ្ស៊ិកលើកដំបូងចាប់តាំងពីឆ្នាំ១៩៥៧ ត្រូវបានបង្ខំឲ្យចូលទៅជិតកន្លែងចតឡានកាលពីខែតុលា។ ទោះជាយ៉ាងណាក៏ដោយ ការិយាល័យរដ្ឋអាជ្ញាសាធារណៈបែលហ្ស៊ិក  បានរកឃើញថាពិរុទ្ធជន Jamaleh Haban មិនបានចាប់អារម្មណ៍លើរថយន្ត Porsche Panamera របស់គ្រូបង្វឹក ឬនាឡិកាថ្លៃរបស់គាត់ទេ ប៉ុន្តែបែរជាសំដៅទៅលើកុងត្រាផ្លូវការពីលោក Bommel ទៅវិញ។

Haban ដែល​ព្រះរាជអាជ្ញា​រក​ឃើញ​ថា​មាន​អាយុ ២៥ឆ្នាំ​ ទោះបីជា​គាត់​អះអាង​ថា​មាន​អាយុ ១៧ឆ្នាំ​ក៏ដោយ​ក៏​បាន​ប្រើប្រាស់ពិលដើម្បីបញ្ចាំងចូលភ្នែករបស់ van Bommel ​រួច​គំរាម​គាត់​ដោយ​កាំភ្លើង។ គ្រូបង្វឹកសញ្ជាតិ​ហូឡង់​បាន​រត់​គេច​ខ្លួន​ដោយ​បើក​បញ្ច្រាស​ទិស​​យ៉ាង​លឿន រួច​រត់​គេច​ពី​កន្លែង​កើត​ហេតុ។ បកប្រែពីភាសាអារ៉ាប់ សារព័ត៌មានជាច្រើនបានបញ្ចេញពីខ្សែអាទ៍សម្លេងដោយមានអត្ថន័យដូចជា "ស្តាប់ខ្ញុំ Mark ជីវិតគ្រួសាររបស់អ្នកពឹងផ្អែកលើរឿងនេះហើយ ដូចនេះអនុញ្ញាតឲ្យខ្ញុំក្លាយជាកីឡាករអាជីពភ្លាមទៅ។ កុំព្យាយាមទៅប្តឹងប៉ូលីសឲ្យសោះ យើងនឹងសម្លាប់អ្នក និងគ្រួសាររបស់អ្នក ព្រោះយើងស្គាល់ពីអាស័យដ្ឋានរបស់អ្នកច្បាស់ណាស់"៕