ខ្សែប្រយុទ្ធជួរមុខរបស់ Real Madrid កីឡាករ Karim Benzema បានទទួលការផ្តល់ជូនដ៏ច្រើនពីក្លិបមួយនៅក្នុង Saudi Pro League ហើយបានធ្វើការសម្រេចចិត្តរួចហើយអំពីអនាគតរបស់គេរួចជាស្រេចទៅហើយ។

យោងតាមសារព័ត៌មាន The Athletic បានឲ្យដឹងថា Benzema គឺជាកីឡាករចុងក្រោយបង្អស់ ដែលទទួលបានការផ្តល់ជូនយ៉ាងធំសម្បើមពីក្លិបមានមូលដ្ឋាននៅអារ៉ាប៊ីសាអូឌីត។ អតីតកីឡាករក្រុមជម្រើសជាតិបារាំងរូបនេះជាប់កុងត្រាជាមួយ Real Madrid រហូតដល់ឆ្នាំ២០២៤ ប៉ុន្តែម្ចាស់ពាន UCL ១៤សម័យ នឹងអនុញ្ញាតឲ្យគាត់ចាកចេញ ប្រសិនបើគាត់សម្រេចចិត្តទទួលយកសំណើនេះ។

នៅក្នុងការរាយការណ៍ពី The Athletic ដដែលបានចេញផ្សាយថា Benzema ត្រូវបានផ្តល់ជូនកិច្ចព្រមព្រៀងដែលមានតម្លៃលើសពី ៤០០លានអឺរ៉ូ រឺប្រមាណ ៤៣៩លានដុល្លារ សម្រាប់ការលេងរយៈពេលពីររដូវកាល។ Benzema ត្រូវ​បាន​គេ​គិត​ថា​ បាន​ធ្វើ​ការ​សម្រេច​ចិត្ត​ទាក់​ទង​នឹង​ការ​ផ្តល់​ជូន​ដែល​គាត់​បាន​ទទួលរួចរាល់ហើយ ប៉ុន្តែ​គេ​មិន​ទាន់អាចសន្និដ្ឋានច្បាស់លាស់ 100% ​ថា​តើ​គាត់​នឹង​ទទួល​យក​ឬ​ក៏​សម្រេច​ចិត្ត​បន្ត​នៅ Real Madrid៕