ក្នុងរយៈពេលជាច្រើនឆ្នាំ ក្រុមបាល់ទាត់ជម្រើសជាតិអាមេរិក បានជួបបញ្ហានូវកង្វះខ្សែប្រយុទ្ធមុតស្រួចដែលមិនមានសមត្ថភាពគ្រប់គ្រាន់ ក្នុងការបង្កើតគ្រាប់បាល់ឲ្យបានច្រើន ប៉ុន្តែពេលនេះ បន្ទាប់ពីការបញ្ចុះបញ្ចូលជាយូរ ក្រុមជម្រើសជាតិអាមេរិកបានអូសទាញកីឡាករ Falorin Balogun បានសម្រេច។

ការប្រកួតប្រជែងជាមួយក្រុមជម្រើសជាតិអង់គ្លេស បានបញ្ចប់ជាស្ថាពរកាលពីពេលថ្មីៗនេះ ជាពិសេសក្រោយចំណាយពេលជាច្រើនខែនៅរដ្ឋ Orlando ខ្សែប្រយុទ្ធរបស់ក្រុម Arsenal ដែលកំពុងខ្ចីជើងនៅលីកកំពូលបារាំង បានសម្រេចចិត្តយ៉ាងច្បាស់លាស់ ដោយជ្រើសយកអត្តសញ្ញាណប័ណ្ណអាមេរិក ទោះជាខ្លួនធ្លាប់លេងឲ្យឈុតយុវជនអង់គ្លេសក៏ដោយ។ 

សហព័ន្ធបាល់ទាត់ពិភពលោក FIFA បានប្រកាសជាផ្លូវការថា ការផ្លាស់ប្តូរសញ្ជាតិរបស់ Balogun ត្រូវបានយល់ស្រប ដោយក្រុមអាមេរិកអាចកោះហៅរូបគេបានសម្រាប់ការប្រកួត Nations League រឺ Gold Cup ក៏ដូចជាពាន World Cup ឆ្នាំ 2026 ផងដែរ៕