Francesco Totti ថាខ្លួនមានសមត្ថភាពគ្រប់គ្រាន់ក្នុងការរារាំង Mourinho មិនឲ្យទៅដឹកនាំ PSG
វីរបុរសក្លិប AS Roma លោក Francesco Totti ជឿជាក់ថា គាត់អាចបញ្ចុះបញ្ចូលអ្នកចាត់ការ Jose Mourinho ឲ្យបន្តនៅក្លិបជាបន្តទៀត ដោយបដិសេធសំណើររបស់ក្លិបសេដ្ឋីបារាំង Paris Saint-Germain ប្រសិនបើរឿងនេះគាត់ជាអ្នកកាន់កាប់។
Totti ដែលបានចំណាយពេលពេញមួយអាជីព២៤ឆ្នាំ មិនគួរឲ្យជឿរបស់គាត់ជាមួយ Roma មានទំនុកចិត្តថា Mourinho នឹងស្នាក់នៅលើសពីរដូវក្តៅនេះ បើទោះបីជាមានការរំពឹងទុកថា គាត់អាចចាកចេញក៏ដោយ។ អតីតគ្រូបង្វឹក Chelsea និង Real Madrid ត្រូវបានផ្សារភ្ជាប់ជាមួយនឹងការងារដ៏គួរឲ្យភ្ញាក់ផ្អើលជាមួយ PSG។
នៅក្នុងការសម្ភាសន៍អំឡុងការប្រកួតកីឡាតេន្នីសនៅទីក្រុង Rome Totti បាននិយាយថា "ប្រសិនបើវាអាស្រ័យលើខ្ញុំ វានឹងកាន់តែងាយស្រួល ប៉ុន្តែពេលនេះយើងបានត្រឹមចាំមើលអ្វីដែលនឹងកើតឡើង។ ខ្ញុំមិនដឹងថាពួកគេនិយាយអ្វីជាមួយក្លិបទេ ហើយខ្ញុំមិនដឹងថានឹងមានអ្វីកើតឡើងនោះដែរ។ ពួកគេនឹងសម្រេចចិត្តជាមួយដំណោះស្រាយដ៏ល្អបំផុតសម្រាប់ភាគីទាំងសងខាង ”៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
