Vardy ថាបើសិន Leicester រួចផុតពីការកាត់ចោលឆ្នាំនេះ វាគឺជាជោគជ័យធំបំផុតទៅហើយ
ខ្សែប្រយុទ្ធ Jamie Vardy ជឿជាក់ថា បើសិន Leicester អាចរួចផុតពីការកាត់ចោល នោះវានឹងក្លាយជាសមិទ្ធផលធំ ជាងពានរង្វាន់ Premier League ដ៏ល្បីល្បាញរបស់ពួកគេ ដែលធ្លាប់ធ្វើបានក្នុងឆ្នាំ២០១៥-១៦ ទៅទៀត។
ខ្សែប្រយុទ្ធសញ្ជាតិអង់គ្លេសរូបនេះ ជាតួអង្គសំខាន់ក្នុងការឈ្នះពានមិនគួរឱ្យជឿរបស់ Leicester ក្នុងរដូវកាល ២០១៥-១៦ ដោយស៊ុតបញ្ចូលទីបាន ២៤គ្រាប់ ក្រោមការដឹកនាំ Claudio Ranieri។ ទោះជាយ៉ាងណាក៏ដោយពេលនេះ Leicester បច្ចុប្បន្ន ពួកគេស្ថិតក្នុងចំណាត់ថ្នាក់ទី១៨ ក្នុងតារាង Premier League ដែលមាន ២ពិន្ទុពីតំបន់សុវត្ថិភាព ហើយនៅសល់តែ ៣ប្រកួតប៉ុណ្ណោះ ដើម្បីបង្វែរជោគវាសនារបស់ពួកគេ។ ប្រការនេះបាននាំឲ្យ Vardy អះអាងថា ការរក្សា Leicester ឲ្យនៅស្ថិតស្ថេរក្នុងលីកកំពូលអង់គ្លេស នឹងក្លាយជាសមិទ្ធផលដ៏ធំបំផុត នៃអាជីពរបស់គាត់ ដែលសំខាន់ជាងការឈ្នះពានរង្វាន់ Premier League ទៀត។
កីឡាករវ័យ ៣៦ឆ្នាំរូបនេះ បានឲ្យដឹងនៅក្នុងកិច្ចសម្ភាសន៍មួយថា “ខ្ញុំគិតថានៅពេលនេះ វានឹងក្លាយជាសមិទ្ធផលដ៏ធំបំផុត។ រឿងនេះគឺពិតជាសំខាន់សម្រាប់ខ្ញុំនឹងក្រុមទាំងមូល។ វាជារឿងពិបាក ហើយខ្ញុំគិតថា ការឈឺចុកចាប់គឺជាពាក្យដ៏រឹងមាំគ្រប់គ្រាន់សម្រាប់អារម្មណ៍ផ្ទាល់ខ្លួនរបស់ខ្ញុំ ក្នុងនាមជាមនុស្សម្នាក់។ ពេលដែលខ្ញុំមកទីនេះ ខ្ញុំមិនដែលចង់ឃើញពួកយើង ស្ថិតក្នុងស្ថានភាពបែបនេះម្តងទៀតទេ ដូច្នេះដើម្បីទៅកន្លែងដែលយើងនៅ វាជាការលំបាកក្នុងការទទួលយក។ ខ្ញុំពិតជាស្រលាញ់ក្លិបនេះណាស់"៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
