ប្រធានក្លិប Atletico Madrid លោក Enrique Cerezo និយាយថា វានឹងជាក្លាយជារឿងដ៏អស្ចារ្យមួយ ប្រសិនបើកំពូលខ្សែប្រយុទ្ធ Lionel Messi និង Cristiano Ronaldo ត្រលប់មកលេងនៅលីកកំពូលអេស្ប៉ាញ La Liga វិញក្នុងដំណាក់កាលណាមួយនោះ។

មានការរំពឹងទុកជាច្រើនដែលបង្ហាញថា Messi អាចនឹងត្រលប់មកវិញនៅរដូវក្តៅនេះ ដោយកីឡាករអាហ្សង់ទីនរូបនេះត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ Barcelona ខណៈដែលកិច្ចសន្យារបស់គាត់នៅ Paris Saint-Germain ផុតកំណត់។ វាហាក់ដូចជាមានឱកាសតិចតួចសម្រាប់ Ronaldo ក្នុងការវិលមកកាន់ទ្រនំចាស់នៅ La Liga គ្រប់ពេលឆាប់ៗនេះ ខណៈដែលគាត់ធ្វើការលើកិច្ចព្រមព្រៀងដែលរកបានច្រើនបំផុត ក្នុងបាល់ទាត់ពិភពលោកជាមួយក្លិបសេដ្ខីវាលខ្សាច់ Al-Nassr។ ទោះជាយ៉ាងណាក៏ដោយលោក Cerezo នៅតែជឿជាក់ថាវីរបុរសនៃបាល់ទាត់សម័យនេះទាំងពីររូប នៅតែមានសមត្ថភាពគ្រប់គ្រាន់ក្នុងការមកលេងនៅកម្រិតខ្ពស់បំផុត។

ប្រធានក្លិប AT Madrid បានប្រាប់អ្នកសារព័ត៌មានពេលចូលរួមក្នុងព្រឹត្តិការណ៍មួយនៅឯ Real Club Tenis Barcelona ថា “ខ្ញុំគិតថាវាពិតជាអស្ចារ្យណាស់ប្រសិនបើ Messi នឹង Ronaldo គិតគូរក្នុងការត្រលប់មក La Liga វិញ។ អ្នក​ទាំង​ពីរ​នៅ​តែ​លេង ហើយ​វា​នឹង​អស្ចារ្យ​ប្រសិន​បើ​ពួក​គេ​ត្រលប់​មក​វិញ"៕