ក្លិបធំៗនៅអង់គ្លេសរួមមាន Chelsea នឹងក្លិប5ដទៃទៀតនឹងត្រូវកំណត់ឲ្យមានការប្រកួតគ្នាមុនបើករដូវកាលថ្មី នៅទឹកដីនៃសហរដ្ឋអាមេរិក។

ចំពោះកម្មវិធីដ៏ធំធេងដែលមានឈ្មោះថា Summer Series នេះនឹងត្រូវបានប្រកាសជាផ្លូវការឆាប់ៗពី Premier League ដែលគ្រោងធ្វើឡើងនៅមុនការចាប់ផ្តើមរដូវកាលថ្មី ពោលគឺរដូវកាល 2023-2024 ខាងមុខ នេះបើយោងទៅតាមការរាយការណ៍ពី The Athletic។

គំនិតនៅពីក្រោយការកកើតការប្រកួត Summer Series នេះគឺដោយសារនៃភាពជោគជ័យនៃការប្រកួតរបស់ NBA និង NFL ដែលបានធ្វើជាម្ចាស់ផ្ទះនៃការប្រកួតនៅទីក្រុងធំៗដូចជាប៉ារីស និង ឡុងដ៍។ 
ផែនការណ៍នេះតាមពិតទៅ ត្រូវបានគេជឿថា ចង់ធ្វើយូរមកហើយ ប៉ុន្តែអាក់ខានដោយសារការវាយលុកពីសំណាក់វីរុស Covid-19។ គិតត្រឹមពេលនេះ Chelsea Brentford Newcastle Aston Villa នឹង Brighton សុទ្ធតែមានកៅអីស្វ័យប្រវត្តិ ខណៈ Leeds មិនទាន់ច្បាស់ ដោយចាំមើលចំណាត់ថ្នាក់ ក្រោយចប់រដូវកាលនេះជាមុនសិន៕