Mo Salah ពន្យល់អំពីផលប៉ះពាល់សម្រាប់ Liverpool ដែលគ្មានលទ្ធភាពលើកពានអ្វីសូម្បីតែមួយ សម្រាប់រដូវកាលនេះ
ថ្វីត្បិតតែរដូវកាលនេះ អាចចាត់ទុកថា ជាឆ្នាំដែល Liverpool ធ្លាប់ដុនដាបពិតមែន ប៉ុន្តែខ្សែប្រយុទ្ធជួរមុខរបស់ក្រុមហង្សក្រហម Liverpool កីឡាករ Mohamed Salah បានបោះពាក្យយ៉ាងមានទំនុកចិត្តថា ក្រុមទាំងក្នុងលីក និងនៅតំបន់អឺរ៉ុបទាំងអស់គួរតែមានការប្រុងប្រយ័ត្ន។
រដូវកាលមុន Liverpool បានប្រយុទ្ធដល់ទីបញ្ចប់ ដើម្បីលទ្ធភាពលើកពាន ៤ ក្នុងមួយឆ្នាំ ប៉ុន្តែរបូតអស់ពាន Premier League និង Champions League ប៉ុន្តែរដូវកាលនេះ បែរជាមិនអាចមានសង្ឃឹមលើកពានអ្វីសូម្បីតែមួយ។ ក្រុមរបស់លោក Klopp ហាក់ខ្វះភាពនឹងនរសម្រាប់ទម្រង់លេងជាខ្លាំង តែ Salah ថា រឿងដែលបានកើតឡើងរដូវកាលនេះ ជាកម្លាំងចិត្តដ៏ធំមួយសម្រាប់រដូវកាលក្រោយរបស់ Liverpool។
ខ្សែប្រយុទ្ធសញ្ជាតិអេហ្ស៊ីបរូបនេះ បានប្រាប់ទៅកាន់ BT Sport ថា "វានឹងធ្វើឲ្យយើងកាន់តែស្រែកឃ្លានសម្រាប់រដូវកាលក្រោយ។ វាជារដូវកាលដែលពិបាកទទួលយកមួយ ក្រោយយើងធ្លាក់ពីការប្រកួតទាំងអស់ ប៉ុន្តែនេះជាបាល់ទាត់ហើយយើងត្រូវទទួលស្គាល់វា។ យើងត្រូវតែត្រឡប់មកវិញឲ្យខ្លាំងជាងមុននៅរដូវកាលក្រោយ ហើយនេះជាវិធីល្អបំផុត"៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
