ឈ្មោះរបស់គ្រូបង្វឹកល្បីៗជាច្រើនជុំវិញពិភពលោក ត្រូវបានភ្ជាប់សម្រាប់តំណែងជាអ្នកចាត់ការទូទៅរបស់ក្លិបសេដ្ឋីបារាំង Paris Saint-Germain។

ក្រោយធ្លាក់ចេញពី UEFA Champions League ក៏ដូចជាមានភាពរដិបរដុបនៅលីកកំពូលបារាំង គេជឿថា តំណែងរបស់លោក Christophe Galtier កាន់តែមានភាពពុះកញ្ជ្រោលក្តៅគគុកហើយនៅពេលនេះ។

លោក Zinedine Zidane ត្រូវបានគេរាយការណ៍ថា ជាបេក្ខភាពនាំមុខ ក្រោយលោក Didier Deschamps នៅបន្តជាគ្រូបង្វឹកក្រុមជម្រើសជាតិបារាំង ធ្វើឲ្យ Zidane មានសង្ឃឹមមកដឹកនាំ PSG ច្រើន ស្របពេលដែលលោក Luis Enrique ក៏ជាគ្រូបង្វឹកមួយរូបដែលមានភាពស្និទ្ធស្នាលខ្លាំងជាមួយ Lionel Messi និង Neymar ព្រោះធ្លាប់ជាគ្រូសិស្សគ្នា កាលនៅ Barcelona៕