ក្រោយពីបានទទួលការរិះគន់ជាខ្លាំងសម្រាប់ទង្វើមុនការប្រកួតរបស់គេ ពេលនេះកីឡាករ Wout Weghorst បានចេញមុខមកបកស្រាយអំពីទង្វើទាំងនោះ។

គេសង្កេតឃើញថា មុនការប្រកួតដែល Manchester United ត្រូវបាន Liverpool បំបាក់យ៉ាងស្ពឹកមុខក្នុងលទ្ធផល 7:0 នៅកីឡដ្ឋាន Anfield កាលពីចុងសប្តាហ៍កន្លងទៅ Weghorst ដែលជាកីឡាកររបស់​ Man Utd បែរជាទៅប៉ះស្លាក This is Anfield របស់ក្រុម Liverpool ទៅវិញ។

ខ្សែប្រយុទ្ធសញ្ជាតិហូឡង់រូបនេះបាននិយាយថា "ខ្ញុំដឹងថា Virgil van Dijk តែងតែប៉ះស្លាកនេះមុនការប្រកួត ដូចនេះខ្ញុំព្យាយាមរារាំងគេមិនឲ្យបានប៉ះវាដើម្បីឲ្យរូបគេបាត់បង់ភាពខ្លាំងក្នុងផ្ទះមុនការប្រកួត"៕