អ្នកចាំទី Sevilla ត្រូវបានអ្នកគាំទ្ររត់ចូលទៅវាយនៅក្នុងទីលានក្រោយចប់ការប្រកួត
អ្នកចាំទី Marko Dmitrovic របស់ក្រុម Sevilla ត្រូវបានអ្នកគាំទ្រវាយប្រហារដោយមិនដឹងខ្លួន បន្ទាប់ពីក្រុមរបស់គាត់ភ្លាត់ចាញ់ PSV ក្នុងលទ្ធផល 2-0 ក្នុងការប្រកួតជម្រុះនៅក្នុងពានរង្វាន់ UEFA Europa League កាលពីយប់មិញ។
អ្នកចូលទស្សនាការប្រកួតមួយរូប បានរត់ចូលទៅក្នុងទីលាន ហើយបានធ្វើការដាក់គោលដៅទៅលើអ្នកចាំទីរបស់ Sevilla ប៉ុន្តែ Dmitrovic អាចតបតជាមួយការវាយប្រហាររបស់គាត់ ហើយចាប់ផ្តួលគាត់នឹងដីរហូតដល់សន្តិសុខរត់ចូលមកសម្រួលស្ថានការណ៍។
អ្នកចាំទីបានប្រាប់អ្នកយកព័ត៌មានក្រោយមានរឿងនេះកើតឡើងថា “គាត់បានរត់មក ហើយរុញខ្ញុំពីខាងក្រោយ។ គាត់ប្រហែលជាខឹងនឹងលទ្ធផល ហើយមានការអាក់អន់ស្រពន់ចិត្តបន្តិចហើយ។ គាត់ព្យាយាមវាយខ្ញុំ ហើយខ្ញុំក៏ចាប់គាត់ ហើយចាប់គាត់ជាប់រហូតដល់សន្តិសុខមកដល់។ វាមិនល្អទេ ដែលបានឃើញបែបនេះនៅក្នុងបាល់ទាត់"៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
