សម្លេងបង្ហាញពីការមិនគាំទ្រ បានបន្លឺឡើងជុំវិញកីឡដ្ឋាន Anfield មុនពេលការប្រកួតរបស់ Liverpool ជាមួយក្រុម Real Madrid ខណៈដែលអ្នកគាំទ្រក្រុមហង្សក្រហម បានធ្វើការសើចចំអក បទចម្រៀងរបស់ Champions League ។

មុនពេលការប្រកួតសងសឹក នៃការប្រកួតវគ្គផ្តាច់ព្រ័ត្រកាលពីរដូវកាលមុន សំឡេងហ៊ោកញ្ជ្រៀវអាចត្រូវបានគេឮ ពីជុំវិញកីឡដ្ឋាន Anfield នៅប៉ុន្មាននាទី មុនពេលការប្រកួតរវាង Liverpool និង Real។ អ្នកគាំទ្របានផ្តល់ការស្វាគមន៍យ៉ាងកក់ក្តៅមិនគួរឱ្យជឿដល់ក្រុមរបស់លោក Jurgen Klopp នៅខាងក្រៅកីឡដ្ឋាន ប៉ុន្តែត្រូវបានបញ្ចេញសំឡេងក្នុងការប្រឆាំងរបស់ពួកគេចំពោះ UEFA មុនពេលចាប់ផ្តើមការប្រកួត។

មូលហេតុដែលអ្នកគាំទ្រ Liverpool មិនពេញចិត្ត UEFA នោះ គឺដោយសារឧបទ្ទវហេតុដែលបានកើតឡើងកាលពីរដូវកាលមុន ដែលអ្នកគាំទ្ររបស់ Liverpool និង Real Madrid ត្រូវបានសមត្ថកិច្ចទីក្រុងប៉ារីសមិនផ្តល់ការស្វាគមន៍ ថែមទាំងបានបញ្ចេញកម្លាំងវាយធ្វើបាបអ្នកគាំទ្រទាំងពីរទៀត ហើយឆ្លៀតទម្លាក់កំហុសមកលើអ្នកគាំទ្រហង្សក្រហម ទាំងដែលមិនមានកំហុសអ្វី សូម្បីតែបន្តិច៕