កាលពីពេលថ្មីៗនេះ មានពាក្យចចាមអារ៉ាមជាច្រើនបានលើកឡើងថា ម្ចាស់ក្លិប Chelsea លោក Todd Boehly បានធ្វើការណាត់ជួបគ្នាជាមួយលោក Nasser Al-Khelaifi ដែលជាប្រធានក្លិប Paris Saint-Germain ដើម្បីពិភាក្សាទៅលើប្រធានបទនៃកីឡាករមួយរូបដែល PSG កំពុងតែចង់លក់ចេញ។

វាអាចជារឿងច្បាស់មួយដែលក្លិបអ្នកមានបារាំងគ្រោងនិងបញ្ជូនខ្សែប្រយុទ្ធឆ្នើម Neymar ចេញពីក្រុមក្រោមមូលហេតុនៃរឿងរ៉ាវដែលចម្រូងចម្រាស់កាលពីពីរសប្តាហ៍មុន ដោយ Neymar បានធ្វើការរិះគន់ចំៗទៅលើមិត្តរួមក្រុមរបស់ខ្លួន ដែលជាអត្តចរិតដែល PSG ទទួលយកមិនបាន។ 

ថ្វីត្បិតតែបានចាយលុយប្រមាណ ៦០០លានផោនចាប់តាំងពីឡើងជាប្រធានក្លិបថ្មីរបស់ Chelsea ក៏ពិតមែន ប៉ុន្តែលោក Todd Boehly នៅតែមានបំណងជះលុយទ្រង់ទ្រាយធំដើម្បីនាំយកកីឡាករសំខាន់ៗមកពង្រឹងក្រុម ក្រោយការចាយវាយដ៏ធំនេះ នៅមិនទាន់ផ្តល់លទ្ធផលល្អដល់ក្រុមរបស់លោក៕