ខ្សែប្រយុទ្ធHarry Kane ពេលនេះ បានក្លាយជាអ្នកស៊ុតបញ្ចូលទីច្រើនជាងគេ ឲ្យក្លិបមាន់ខ្នាយមាស Tottenham Hotspur ក្រោយរកបានមួយគ្រាប់ បំបាក់ Manchester City ក្នុងដីរបស់ខ្លួន។

ក្រុមរបស់លោក Pep Guardiola មានសិទ្ធិដេញតាម Arsenal ពីក្រោយដោយសារតែបរាជ័យរបស់ Arsenal ក្នុងដីរបស់ Everton ទៅហើយ ប៉ុន្តែមួយគ្រាប់របស់ Kane បានរារាំង Man City មិនឲ្យតាមប្រកៀកប្រកិតពីក្រោយក្រុមកំពូលតារាងទៅវិញ។

គួររំលឹកផងដែរថា គិតត្រឹមពេលនេះ Harry Kane រកបាន ២៦៧គ្រាប់ឲ្យក្រុម Spurs ដោយបានបំបែកកំណត់ត្រារបស់អតីតកីឡាករលោក Jimmy Greaves ខណៈដែលនៅតែមិនទាន់អាចជួយឲ្យក្រុមមួយនេះ ស្គាល់រសជាតិពានផ្លូវការអ្វីមួយនៅឡើយទេ៕