អគ្គនាយកសាជីវកម្មរបស់លីកកំពូលអេស្ប៉ាញ La Liga បានចោទប្រកាន់ Premier League ថាកំពុងតែបោកប្រាស់ បន្ទាប់ពីក្លិបនៅលីកអង់គ្លេសបានចំណាយប្រាក់សរុបចំនួន 1 ពាន់លានដុល្លារ ក្នុងទីផ្សារដោះដូរកីឡាករខែមករា។

Chelsea តែម្នាក់ឯងទទួលខុសត្រូវលើការចំណាយ 37% នៃការចំណាយសរុបច្រើនជាងក្លឹបទាំងអស់នៅក្នុង Bundesliga, La Liga, Serie A និង Ligue 1 រួមបញ្ចូលគ្នា ជាហេតុធ្វើឲ្យ ប្រធានសាជីវកម្ម La Liga លោក Javier Gomez បានអំពាវនាវឲ្យ UEFA មានចំណាត់ការបន្ថែមទៀតចំពោះរឿងមួយនេះ។

លោក Gomez បាននិយាយថា "នៅអេស្ប៉ាញ យើងព្យាយាមឲ្យក្រុមនីមួយៗចំណាយតាមអ្វីដែលខ្លួនអាចធ្វើបាន ដោយមិនឲ្យល្មើសច្បាប់ ប៉ុន្តែនៅអង់គ្លេស ក្លិបទាំងនោះបានជះលុយហួសកម្រិត ដែលបានធ្វើឲ្យលីកផ្សេងៗមានការមិនពេញចិត្ត ហើយសង្ឃឹមថា UEFA នឹងមានការកំណត់ការចាយវាយថ្មីទៅចុះ"៕