ខ្សែប្រយុទ្ធស្លាបចំណូលថ្មីរបស់ក្រុមតោខៀវ Chelsea កីឡាករ Mykhailo Mudryk បានសុំទោសជាសាធារណៈ ចំពោះការប្រើប្រាស់ពាក្យជេរប្រមាថក្នុងវីដេអូ ដែលមានអ្នកចូលមើលជាង២សែនដង នៅលើបណ្តាញសង្គម TikTok។

កីឡាករសញ្ជាតិអ៊ុយក្រែនរូបនេះ ត្រូវបានគេប្រទះឃើញច្រៀងបទចម្រៀង "Freestyle" របស់តារាចម្រៀងអាមេរិក Lil Baby ដោយក្នុងនោះពាក្យបែបមើលងាយពូជសាសន៍ជាច្រើនត្រូវបានប្រើប្រាស់ ជាហេតុធ្វើឲ្យមហាជនមានការខឹងសម្បាជាខ្លាំងចំពោះ Mudryk។

យ៉ាងណាក្តី រូបគេក៏បានចេញសុំទោសភ្លាមៗ ដោយបានលើកឡើងថា រូបគេពិតជាមានការសោកស្តាយចំពោះឧប្បទវហេតុដែលបានកើតឡើងកាលពីខែកក្កដាកន្លងទៅ ដោយរូបគេគ្មានបំណងចង់មើលងាយពូជសាសន៍ណាមួយឡើយ ហើយគ្រាន់តែច្រៀងទៅតាមប៉ារ៉ូលចម្រៀងតែប៉ុណ្ណោះ៕