នាយកប្រតិបត្តិក្លិប Atletico Madrid លោក Gil Marin បានរិះគន់អាជ្ញាកណ្តាល La Liga ដោយលើកឡើងថា ពួកគេពេញចិត្តតែក្រុម Real Madrid បន្ទាប់ពីក្រុមរបស់គាត់ចាញ់ក្រុមរបស់លោក Carlo Ancelotti ក្នុងពានរង្វាន់ Copa del Rey កន្លងទៅ។

កីឡាករ Dani Ceballos បានរួចខ្លួនពីការទទួលកាតក្រហមក្នុងការប្រកួត ជាហេតុធ្វើឲ្យ Real Madrid មានសមត្ថភាពគ្រប់គ្រាន់ក្នុងការយកឈ្នះ AT Madrid ក្នុងម៉ោងបន្ថែមបាន។ 
ក្រោយចប់ការប្រកួត លោក Marin បានបង្ហើបឲ្យដឹងពីការមិនពេញចិត្តចំពោះការសម្រេចចិត្តរបស់អាជ្ញាកណ្តាលថា "Real Madrid គឺជាក្លឹបមួយដែលមានការរុំព័ទ្ធច្រើន មានការចាប់អារម្មណ៍ច្រើនជុំវិញខ្លួន។ ពួកគេបង្កើតសម្ពាធយ៉ាងខ្លាំង ដែលវាជារឿងធម្មតាទេ ដែលវាបានបង្កផលប៉ះពាល់ដល់មនុស្សដែលត្រូវធ្វើការសម្រេចចិត្ត"៕