ខ្សែប្រយុទ្ធមុតស្រួច Harry Kane ពេលនេះបានតាមស្មើកំណត់ត្រាស៊ុតបញ្ចូលទីរបស់អតីតកីឡាករ Jimmy Greaves របស់ Tottenham Hotspur ហើយ ខណៈដែល Spurs បានទទួលជ័យជម្នះដែលមិនគួរឱ្យជឿក្នុងលទ្ធផល ១-០ លើក្រុម Fulham។

មួយគ្រាប់របស់កីឡាករសញ្ជាតិអង់គ្លេសរូបនេះ ជាការស៊ុតបញ្ចូលទីជាលើកទី២៦៦ ក្នុងនាមជាកីឡាកររបស់ក្លិបមាន់ខ្នាយមាស។ អ្វីដែលកាន់តែពិសេសនោះគឺ Spurs អាចក្តោបក្តាប់៣ពិន្ទុយ៉ាងសំខាន់ ដើម្បីរក្សាការប្រកួតប្រជែងតំណែង Top 4 ក្នុងលីកកំពូលអង់គ្លេស។

យ៉ាងណាក្តី ក្រុមរបស់លោក Conte នៅតែមិនទាន់មានភាពច្បាស់លាស់នៅឡើយ ស្របពេលអនាគតរបស់ Kane និង Conte កំពុងស្ថិតក្នុងភាពស្រពិចស្រពិលនៅឡើយ៕