អ្នកចាត់ការក្លឹបអធិរាជស Real Madrid លោក Carlo Ancelotti បានគូសបញ្ជាក់ពីសារៈសំខាន់របស់ខ្សែបម្រើវ័យក្មេង Eduardo Camavinga ស្របពេលដែលមានដំណឹងលេចឡើងថា កីឡាកររូបនេះ អាចនឹងចាកចេញពី Real Madrid នៅពេលឆាប់ៗនេះ។

ចំពេលមានការរំពឹងទុកថា គាត់អាចចូលរួមជាមួយ Arsenal ក្នុងលក្ខខណ្ឌខ្ចីជើង លោក Ancelotti បានសង្កត់ធ្ងន់ថា Camavinga គឺជាផ្នែកសំខាន់មួយរបស់ក្រុម ដែលមិនអាចនឹងឲ្យចាកចេញងាយស្រួលនោះឡើយ។

លោក Ancelotti បាន​និយាយ​ក្នុង​សន្និសីទ​សារព័ត៌មាន​ថា "កីឡាករក្នុងក្រុមរបស់យើង ​គឺ​មិន​អាច​ប៉ះ​ពាល់​បាន។ វាមិនត្រឹមតែ Modric និង Kroos ទេ អ្នកផ្សេងទៀតដែលមកលើទីលាន ហើយបានផ្តល់អ្វីៗគ្រប់យ៉ាងដូច Camavinga ក៏មិនអាចប៉ះបានដែរ"៕