ក្រុមកាំភ្លើងធំ Arsenal បានបង្កើតប្រវត្តិសាស្ត្រនៅក្នុងការប្រកួតនៅទីក្រុងឡុងដ៍ភាគខាងជើងរបស់ពួកគេទល់នឹងក្រុម Tottenham ដោយក្រុមរបស់លោក Arteta បានបំបែកកំណត់ត្រាក្លឹប ក្រោយឆ្លងកាត់ការប្រកួតលីកចំនួន ១៨ប្រកួតរួចមក។

Arsenal ប្រមូលបាន ៤៧ពិន្ទុ ពីការប្រកួត Premier League ចំនួន ១៨ដងក្នុងរដូវកាល ២០២២-២៣ ជាមួយនឹងជ័យជម្នះ ១៥លើក ស្មើ២ និងចាញ់តែ ១ប៉ុណ្ណោះ មកដល់ពេលនេះ។ ចំនួនពិន្ទុសរុបនោះ ជាចំនួនច្រើនបំផុតដែលពួកគេសម្រេចបានក្នុងប្រវត្តិសាស្ត្រលីករបស់ពួកគេ ដោយមិនធ្លាប់អាចធ្វើបានល្អបែបនេះ ពីមុននោះឡើយ៕