Joao Felix បានចំណាយពេលនៅលើទីលានត្រឹមតែមួយម៉ោងប៉ុណ្ណោះក្នុងការបង្ហាញខ្លួនលើកដំបូងរបស់ Chelsea ទល់នឹង Fulham មុនពេលត្រូវបានពិន័យកាតក្រហមសម្រាប់ការប៉ះទង្គិចដ៏អាក្រក់មួយទៅលើកីឡាកររបស់ Fulham។

ក្នុងការបង្ហាញខ្លួនដែលអ្នកគាំទ្រជាច្រើនបានទន្ទឹងរង់ចាំ Felix បានធ្វើការប៉ះទង្គិចយ៉ាងសាហាវមួយទៅលើ Kenny Tete ដោយបើកបាតស្បែកជើងពេញទំហឹង ធ្វើឲ្យអាជ្ញាកណ្តាលសម្រេចផ្តល់កាតក្រហមភ្លាមៗទៅដល់កីឡាករដែលទើបតែខ្ចីជើងពី Atletico Madrid។

ស្របពេលដែលកីឡាករឈុតធំ9រូបរបស់ Chelsea កំពុងតែរងរបួស ហើយ Felix ទទួលបានកាតក្រហម លោក​ Graham Potter ដែលជាគ្រូបង្វឹករបស់ Chelsea ហាក់ត្រូវធ្វើការធ្ងន់ដើម្បីមានសង្ឃឹមដណ្តើមតំណែង top4 នៅលីកកំពូលអង់គ្លេស៕