Al-Nassr បានចេញផ្សាយសេចក្តីថ្លែងការណ៍មួយ កាលពីយប់ថ្ងៃអង្គារដោយបដិសេធរបាយការណ៍ដែលថា ពួកគេបានឲ្យ Cristiano Ronaldo សន្យាថា នឹងគាំទ្រការដេញថ្លៃការប្រកួតបាល់ទាត់ពិភពលោកឆ្នាំ២០៣០ របស់ប្រទេសអារ៉ាប៊ីសាអូឌីត នៅក្នុងកិច្ចសន្យារបស់គាត់។

ក្លិបមានមូលដ្ឋាននៅប្រទេសអារ៉ាប៊ីសាអូឌីតមួយនេះ បានបដិសេធពាក្យចចាមអារ៉ាមដែលថា Ronaldo បានទទួលប្រាក់បន្ថែមចំនួន ២០០លានអឺរ៉ូ ដើម្បីធ្វើជាឯកអគ្គរដ្ឋទូតសម្រាប់ការដេញថ្លៃ World Cup 2030 របស់ប្រទេសអារ៉ាប៊ីសាអូឌីត។

ក្លឹបបានសរសេរថា "Al-Nassr FC សូមបញ្ជាក់ដែលផ្ទុយពីរបាយការណ៍ព័ត៌មាន កិច្ចសន្យារបស់ Cristiano Ronaldo ជាមួយ Al-Nassr មិនរួមបញ្ចូលការប្តេជ្ញាចិត្ត ចំពោះការដេញថ្លៃការប្រកួតបាល់ទាត់ពិភពលោកណាមួយឡើយ។ ការផ្តោតសំខាន់របស់គាត់ គឺនៅលើ Al-Nassr និងដើម្បីធ្វើការជាមួយមិត្តរួមក្រុមរបស់គាត់ ដើម្បីជួយក្លឹបឱ្យទទួលបានភាពជោគជ័យ"៕