Gareth Bale ដែលជាម្ចាស់ជើងឯក Champions League ប្រាំសម័យកាល និងជាអ្នកស៊ុតបញ្ចូលទីច្រើនជាងគេ និងជាកីឡាករដែលបង្ហាញខ្លួនច្រើនជាងគេបំផុតរបស់ក្រុមជម្រើសជាតិវេលស៍ បានប្រកាសចូលនិវត្តន៍ពីបាល់ទាត់ហើយ កាលពីប៉ុន្មានម៉ោងមុននេះ។

នៅអាយុ ៣៣ឆ្នាំ Bale បានប្រកាសនៅក្នុង Twitter ថា គាត់នឹងព្យួរស្បែកជើងរបស់គាត់ទាំងនៅក្លិប និងកម្រិតអន្តរជាតិ។ អតីតប្រធានក្រុមវែល ថ្មីៗនេះ បានតំណាងឱ្យប្រទេសរបស់គាត់នៅ World Cup 2022 នៅប្រទេសកាតា ដោយបានស៊ុតបញ្ចូលទីសរុបដល់ទៅ ៤១គ្រាប់ក្នុង ១១១ប្រកួត សម្រាប់ប្រទេសរបស់គាត់ និងបានបញ្ចប់អាជីពបាល់ទាត់នៅក្លិប Los Angeles FC ដោយជួយឲ្យក្រុមមួយនេះលើកពាន MLS Cup​ ផងដែរ៕