ខ្សែប្រយុទ្ធជួរមុខក្រុមជម្រើសជាតិអាហ្សង់ទីន Lionel Messi បានទទួលពានរង្វាន់បាល់មាសក្រោយក្លាយជាកីឡាករល្អបំផុតសម្រាប់ព្រឹត្តិការណ៍ World Cup។

ក្នុងដំណើរជូនអាហ្សង់ទីនមកកាន់ការលើកពាន FIFA World Cup ឆ្នាំ2022 នេះ Messi ស៊ុតបាន7គ្រាប់ដោយក្នុងនោះរកបាន2គ្រាប់នៅវគ្គផ្តាច់ព្រ័ត្រនេះ។ 

អ្វីដែលគួរឲ្យចាប់អារម្មណ៍នោះគឺ Messi បានបំបែកកំណត់ត្រានៅទ្វីបអាមេរិកខាងត្បូង ដែលស៊ុតក្នុងការប្រកួតលក្ខណៈអន្តរជាតិច្រើនជាងគេ ក្រោយរកបាន២៦គ្រាប់ លើសកំណត់ត្រារបស់ខ្សែប្រយុទ្ធប្រេស៊ីល Ronaldo Nazario ដែលមាន២៥គ្រាប់ក្នុងដៃ៕