សហព័ន្ធបាល់ទាត់ពិភពលោក FIFA បានចេញសេចក្តីថ្លែងការណ៍មួយ ពាក់ព័ន្ធនឹងឧប្បតវហេតុដែលបណ្តាលឲ្យកម្មករមួយរូបបានទទួលមរណភាព កំឡុងការប្រកួតវគ្គសន្សំពិន្ទុក្នុងពូលនៃពាន World Cup។

ហេតុការណ៍នោះ បានកើតឡើងក្បែររីសតមួយដែលត្រូវបានប្រើប្រាស់ជាជំរុំហ្វឹកហាត់របស់ក្រុមជម្រើសជាតិអារ៉ាប៊ីសាអូឌីត ហើយបច្ចុប្បន្នកំពុងតែស្ថិតក្នុងការស៊ើបអង្កេតរបស់ប៉ូលីសនៃប្រទេសកាតា។ 

យោងទៅតាមភស្តុតាងដែលប្រមូលបានជាបណ្តោះអាសន្ន កម្មករដែលគេសន្និដ្ឋានថាជាពលករចំណាកស្រុកនោះ បានជួបហេតុការណ៍គ្រោះថ្នាក់ពាក់ព័ន្ធនឹងឧបករណ៍ដឹកទំនិញ៕