ការ​ប្រកួត​ចុង​ក្រោយ​ក្នុង​ក្រប​ខ័ណ្ឌ Premier League មុន​ពេល​ការសម្រាក​សម្រាប់​ការ​ប្រកួត World Cup យើងនឹងបានទស្សនាការប្រកួតរវាង​ Fulham ជាមួយនិង Manchester United។

ក្រុម​ទាំង​ពីរ​មាន​គម្លាតពីគ្នា៤​ពិន្ទុ​ ដោយ​ក្រុម​ម្ចាស់​ផ្ទះ Fulham ឈរ​នៅ​លេខ​៩​មាន១៩ពិន្ទុ ខណៈដែល United ឈរ​នៅលេខ​៥មាន២៣ពិន្ទុ។​ កាលពីប្រកួត​មុន​ Fulham នៅសល់តែប៉ុន្មាននាទីទៀតប៉ុណ្ណោះ ក្នុងការទប់ Manchester City ហើយរំពឹងថា ពួកគេក៏អាចធ្វើបានដូច្នោះដែរ ពេលប៉ះជាមួយ United ។​ 

ខណៈពេលដែលក្រុម Fulham មិនមានភារកិច្ចការប្រកួតពាក់កណ្តាលសប្តាហ៍នោះ United ទើបតែបានយកឈ្នះ ៤-២​ លើក្រុម Aston Villa ក្នុងការប្រកួត League Cup។​ នោះគឺជាការឈ្នះលើកទី៤ របស់​ United ក្នុងការប្រកួត៥លើក ប៉ុន្តែពួកគេមិនមានកំណត់ត្រា គ្មានរបូតគ្រាប់បាល់នោះទេ ​សម្រាប់ការប្រកួត២លើកចុងក្រោយនេះ ដែលគ្រាប់បាល់របូតសរុបមានចំនួន៥គ្រាប់​។

ចំណែកឯក្រុម Fulham មានបំណងទាញយកផលប្រយោជន៍ ដោយមិនមានការប្រកួតពាក់កណ្តាលសប្តាហ៍។ ពួកគេចូលមកក្នុងការប្រកួតនេះ បន្ទាប់ពីប្រកួតចាញ់ Manchester City ក្នុងការប្រកួតចុងក្រោយ។

នោះគឺជាការប្រកួតចាញ់លើកទី១ របស់ពួកគេ ក្នុងចំណោមការប្រកួត៥លើក​ ប៉ុន្តែពួកគេមានការងារការពារដែលត្រូវធ្វើ បន្ទាប់ពីបានបណ្តោយឱ្ររបូតគ្រាប់បាល់ច្រើនជាង១គ្រាប់ ក្នុងការប្រកួត៣ចំណោម៥ប្រកួតចុងក្រោយ។

ការព្យាករណ៍​ :​​ United មាន​ប្រៀប​ជាងក្នុងការប្រកួត​នេះ ទោះ​បី​ជា​ពួក​គេ​លេង​ក្រៅ​ផ្ទះ​ក៏​ដោយ។ ពួកគេមានប្រវត្តិប្រកួតមិនដែលចាញ់ជាមួយក្រុម Fulham ចំនួន១៤ប្រកួត​ ហើយពួកគេចូលទៅក្នុងការប្រកួតនេះ ជាមួយនឹងដំណើរការប្រកួតល្អប្រសើរផងដែរ។ Fulham មានភាពស្វិតស្វាញក្នុងការប្រកួតថ្មីៗ របស់ពួកគេ ប៉ុន្តែតែងតែធ្វើឱ្យមានកំហុស​ ដោយមិនបានផ្តោតលើពេលវេលាដ៏សំខាន់។ ជ័យជម្នះសម្រាប់ Manchester United ក្នុងការប្រកួតនេះ គឺជាជម្រើសដ៏ល្អ៕