Tottenham Hotspur នឹងត្រូវប្រកួតក្នុងដីនៅពេលដែលប៉ះ​ Leeds United ក្នុងក្របខណ្ឌ​ Premier League ដោយក្រុមទាំងពីរទើបតែបានប្រកួតចាញ់ក្នុង League Cup​ ដូចគ្នា សម្រាប់ការប្រកួតពាក់កណ្តាលសប្តាហ៍។

ក្រុមម្ចាស់ផ្ទះ Tottenham ឈានចូលមកកាន់ការប្រកួតនេះ ដោយមាន២៦ពិន្ទុ ឈរនៅលេខ៤ ខណៈ Leeds ឈរនៅលេខ១២មាន១៥ពិន្ទុ។​ 

Tottenham កំពុងស្ថិតក្នុងការធ្លាក់ចេញពីក្រុមកំពូលទាំង៤ ហើយមានតែការឈ្នះ ក្នុងការប្រកួតនេះប៉ុណ្ណោះ ដែលអាចជួយសង្គ្រោះស្ថានការណ៍មុនពេលការប្រកួតលីគ សម្រាកសម្រាប់ការប្រកួតបាល់ទាត់ពិភពលោកឆ្នាំ២០២២។

Leeds មាន​ទម្រង់​លេង​ល្អប្រសើរខ្លាំង ​ក្នុង​ការ​ប្រកួត​លីគ​លើក​ចុង​ក្រោយ​ ហើយ​ការ​ដែល៣ពិន្ទុ​ ពី​លើ​ក្រុមតំបន់​កាត់​ចោល​មាន​ន័យ​ថា ​ការប្រឹងប្រែងរបស់ពួកគេត្រូវបានកាត់បន្ថយបន្តិច។​ ដំណើរការឈ្នះរបស់ Leeds ២ប្រកួតជាប់គ្នា ត្រូវបានបញ្ឈប់ដោយ Wolverhampton ក្នុងការប្រកួត League Cup ។

Tottenham បានរងការបរាជ័យជាបន្តបន្ទាប់​ ហើយតំណែងរបស់ពួកគេ នៅក្នុងក្រុមកំពូលទាំង៤ឥឡូវនេះ កំពុងស្ថិតក្នុងហានិភ័យ ជាពិសេសពួកគេបានលេងច្រើនជាងក្រុមដទៃទៀត១ប្រកួត។

Tottenham នឹងមិនមានវត្តមានរបស់កីឡាករ Richarlison, Christian Romero និង Son Heung-Min ក្នុងការប្រកួតនេះទេ​ ដោយសារតែពួកគេទាំងអស់សុទ្ធតែត្រូវរបួស។ ចំណែក Leeds​ វិញ កីឡាករ Luis Sinisterra និង Stuart Dallas ត្រូវបានដកចេញពីការប្រកួតនេះ។

ការព្យាករណ៍​ :​ ក្រុមទាំងពីរនេះមានដំណើរការប្រកួតមិនស្ថិតស្ថេរ ក្នុងការប្រកួតថ្មីៗរបស់ពួកគេ ហើយភាគីទាំងពីរបានកំណត់គោលយកឱ្យបាន ៣ពិន្ទុដូចគ្នា។​ ចំណុចមួយរបស់ក្រុមទាំងពីរ ​គឺ​ការ​របូតគ្រាប់បាល់របស់​ពួក​គេ ខណៈ​ដែល​ពួក​គេ​មាន​ភាព​ស៊ីសង្វាក់​គ្នា​ក្នុង​ទម្រង់ប្រយុទ្ធ​។ ភាគច្រើនក្រុមទាំងពីរបានស៊ុតបាល់បញ្ចូលទី នៅក្នុងការប្រកួតថ្មីៗរបស់ពួកគេ ហើយ​យើងជឿថា ក្រុមទាំងពីរនឹងធ្វើការស៊ុតបញ្ចូលទីគ្នាទៅវិញទៅមក ​ដោយមានគ្រាប់បាល់លើសពី​ ២.៥​គ្រាប់ ក្នុងការប្រកួតនេះ៕