Manchester United និង Aston Villa នឹងត្រូវជួបគ្នាជាលើកទី២ ក្នុងមួយសប្តាហ៍ ដែលលើកនេះជាការជួបគ្នានៅក្នុង League Cup ដែលនេះជាការប្រកួតដែលត្រូវធ្វើឡើងត្រឹមតែ៤ថ្ងៃ បន្ទាប់ពីការយកឈ្នះ ៣-១ របស់ Villa លើ United ក្នុងក្របខណ្ឌ Premier League។

United នឹងធ្វើជាម្ចាស់ផ្ទះសម្រាប់ការប្រកួតនេះ ហើយសង្ឃឹមថា នឹងអាចសងសឹកវិញបន្ទាប់ពីការបរាជ័យ នៅក្នុងកីឡដ្ឋាន Villa Park កាលពីថ្ងៃអាទិត្យ។​ ការប្រកួតចាញ់នោះ គឺជាការចាញ់លើកដំបូងរបស់ United​ ក្នុង១០ប្រកួតចុងក្រោយ ហើយវាក៏បានបាត់បង់ដល់ដំណើរការប្រកួត មិនមានរបូតគ្រាប់បាល់៣ប្រកួតជាប់ៗគ្នា របស់ពួកគេផងដែរ។

United ស្ថិតក្នុងទម្រង់​ការ​ប្រកួត​ក្នុងដី​ដ៏​ល្អ​​ ពួក​គេ​ចូល​ទៅ​ក្នុង​ការ​ប្រកួត​នេះ ​ជាមួយ​នឹង​កំណត់ត្រាមិនមានរបូតគ្រាប់បាល់ ៥ប្រកួត​ជាប់​ៗ​គ្នា និង​ឈ្នះ​៤ប្រកួត ក្នុង​ចំណោមការ​ប្រកួត​៥លើក​ចុង​ក្រោយ​។​ ក្នុង​ការ​ប្រកួត League Cup ២លើក​ចុង​ក្រោយ​ United ត្រូវ​បាន​កាត់​ចេញ​ដោយការប្រកួតក្នុង​ដី ដែល​គូ​ប្រជែងមកពី Premier League។

Aston Villa បានតែងតាំងអ្នកចាត់ការថ្មី គឺលោក Unai Emery ហើយក្នុងការប្រកួតដំបូងរបស់គាត់ ពួកគេបានយកឈ្នះ Manchester United ដោយលទ្ធផល ៣-១។

ក្រុមរបស់គាត់មានទំនុកចិត្ត ហើយនេះជាអ្វីដែលពួកគេនឹងនាំទៅកាន់ Old Trafford បន្ទាប់ពីប្រកួតឈ្នះ២ ក្នុងចំណោម៣ប្រកួតចុងក្រោយ។

Villa មានទម្រង់លេងអន់ក្រៅដី ហើយជ័យជម្នះតែមួយគត់របស់ពួកគេ ក្នុងការប្រកួតក្រៅដីសម្រាប់រដូវកាលនេះ គឺជាការប្រកួតទល់នឹង Bolton Wanderers ក្នុង League Cup ។

ការព្យាករណ៍​ :​​ Aston Villa ទើបតែប្រកួតឈ្នះ​លើ Manchester United ហើយ​មានបំណងយកឈ្នះ​លើ​​បិសាច​ក្រហម​ម្តងទៀតផងដែរ ក្នុងការប្រកួតនេះ។ ទោះជាយ៉ាងណាក៏ដោយ ដំណើរការប្រកួតក្រៅដីរបស់ពួកគេមិនល្អនោះទេ ខណៈពេលដែលត្រូវជួប​ United ក្នុងទម្រង់លេងដ៏ល្អនៅក្នុងដី។​ ជាការពិតដែលថា Villa បានផ្តួល United កាលពីចុងសប្តាហ៍ធ្វើឱ្យវាកាន់តែតានតឹង សម្រាប់ពួកគេនៅក្នុងការប្រកួតនេះ ខណៈពេលដែល United ស្វែងរកការសងសឹងវិញនោះ។ យើងជឿជាក់ថា United នឹងទទួលបានជ័យជម្នះក្នុងការប្រកួតនេះ៕