Manchester City នឹងធ្វើជាម្ចាស់ផ្ទះដែលត្រូវទទួលក្រុម Fulham នៅក្នុងកីឡដ្ឋាន Etihad។ បច្ចុប្បន្ន​ក្រុម​ម្ចាស់ផ្ទះ​ឈរ​លេខ​២​ ក្នុង​តារាង​ដោយមាន​២៩​ពិន្ទុ ខណៈ​ក្រុម​ភ្ញៀវ​ឈរ​លេខ​៧​មាន​១៩​ពិន្ទុ​។ 

Manchester City បានដេញតាមពីក្រោយរហូតទទួលបានជ័យជម្នះលើក្រុម Sevilla វិញ​ ក្នុងការប្រកួតក្របខ័ណ្ឌ Champions League ពាក់កណ្តាលសប្តាហ៍ ដែលបានបន្តកំណត់ត្រាមិនស្គាល់ចាញ់របស់ពួកគេដល់ទៅ៤ប្រកួត។

Fulham បានប្រកួតស្មើ​ដោយគ្មានគ្រាប់បាល់ដ៏ខកចិត្ត នៅក្នុងដីទល់នឹងក្រុម Everton ក្នុងការប្រកួតចុងក្រោយរបស់ពួកគេ ប៉ុន្តែបើទោះបីជាយ៉ាងណាក៏ដោយ ពួកគេបានរីករាយនឹងការវិលត្រឡប់មកកាន់លីគកំពូល។

Manchester City បានប្រកួតចាញ់តែ២ប្រកួតប៉ុណ្ណោះ ក្នុងចំណោម២០ការប្រកួតរបស់ពួកគេ នៅរដូវកាលនេះ នៅគ្រប់ការប្រកួតទាំងអស់ ដោយចាញ់ទាំង២ប្រកួតនោះ ពេលដែលប៉ះ Liverpool ។ ពួក​គេ​មាន​ទម្រង់​លេង​យ៉ាង​ល្អ​ក្នុង​ដីដោយ​បានប្រកួត​ឈ្នះ​ការ​ប្រកួត ១៥លើក​ចុង​ក្រោយ​របស់​ពួក​គេ ​នៅក្នុងកីឡដ្ឋាន Etihad ។

Fulham ប្រកួតឈ្នះ​តែ​២ប្រកួត​គត់​ ពី​ការ​ប្រកួត​ចំនួន៦​លើក​ចុង​ក្រោយ​ ដោយ​ស្មើ​២ប្រកួត និង​ចាញ់​២ប្រកួត។ កំណត់ត្រា​ប្រកួតក្រៅ​ដី​របស់​ពួក​គេ​មាន​ភាព​យ៉ាប់​យ៉ឺន ដោយប្រកួត​ចាញ់​៤​លើក​ ក្នុង​ចំណោម​ការ​ប្រកួត​៦​លើក​ចុង​ក្រោយ​របស់​ពួក​គេ។

ការព្យាករណ៍​ :​ Manchester City មិន​ដែលប្រកួតចាញ់​ Fulham ទាល់តែ​សោះ​ក្នុង​ជំនួប​១៤​លើក​ចុង​ក្រោយ​របស់​ពួក ​ដោយ​ឈ្នះ​១១​ប្រកួត និង​ស្មើ​៣ប្រកួត​ ហើយពួក​គេ​បាន​ឈ្នះ​ការ​ប្រកួត​ចំនួន​ ៩លើកចុង​ក្រោយ ​នៃ​ការ​ប្រកួត​ទាំង​នោះ។ Man City ដឹង​ថា​ពិន្ទុតិច​ជាង​៣​ពិន្ទុ ​នឹងមិន​គ្រប់គ្រាន់​នោះទេ ព្រោះ​ពួក​គេ​នឹង​ចង់​រក្សា​សម្ពាធ​លើ​ក្រុម​កំពូល​តារាង Arsenal។ យើងយល់ឃើញថា City អាចនឹងនាំមុខនៅក្នុងតង់ទី១ និងឈ្នះការប្រកួតនេះ ពេលដែលបញ្ចាប់ការប្រកួត៕