Real Sociedad នឹងស្វាគមន៍ Manchester United មកកាន់កីឡដ្ឋាន Reale Arena សម្រាប់ការប្រកួតក្នុងពូល E នេះ ក្នុងពានរង្វាន់ UEFA Europa League។

ក្រុមម្ចាស់ផ្ទះបច្ចុប្បន្នកំពុងនាំមុខ ក្នុងពូលដោយមាន ១៥ពិន្ទុយ៉ាងល្អ ខណៈដែលក្រុមភ្ញៀវឈរនៅលេខ២មាន១២ពិន្ទុ។​ 

Real Sociedad ត្រូវ​ការ​ត្រឹម​តែលទ្ធផលស្មើ​ក្នុង​ការ​ប្រកួត​នេះ ​ដើម្បីឈរនៅកំពូលតារាង ខណៈ Manchester United ត្រូវ​ការ​ឈ្នះ​ហើយមាន​គ្រាប់​បាល់​ឈ្នះ២គ្រាប់ ឬ​ច្រើន​ជាង​នេះ ​ដើម្បីឡើងទៅឈរនៅកំពូលតារាង។

ប្រសិន​បើ​ក្រុម​ភ្ញៀវ​ឈ្នះ​ដោយ​ការ​ស៊ុត​បាល់​បញ្ចូល​ទី​តែ​១គ្រាប់នោះ ក្រុម​ទាំង​ពីរ​នឹង​បញ្ចប់​ដោយមាន១៥ពិន្ទុ​ដូចគ្នា​ ហើយ​កំណត់ត្រា​នាំមុខ​នឹង​ដូចគ្នា ប៉ុន្តែ Sociedad មាន​គ្រាប់​បាល់​ច្រើនជាង។

Real Sociedad បានប្រកួតចាញ់តែ២ប្រកួតប៉ុណ្ណោះ ក្នុង១១ប្រកួតចុងក្រោយនៅគ្រប់ការប្រកួតទាំងអស់ ដោយឈ្នះ៩ប្រកួត និងគ្មានការស្មើនោះទេ។ Manchester United មិន​ស្គាល់​ការប្រកួតចាញ់​នោះទេ ក្នុង​៨​ប្រកួត​ចុង​ក្រោយ​​ដោយ​ឈ្នះ​៦ប្រកួត​ ​និង​ស្មើ​២ប្រកួត។

ក្រុម​ទាំង​នេះ​ធ្លាប់​ជួប​គ្នា​៥​លើក​រួច​មក​ហើយ ​ក្នុង​ការ​ប្រកួត​ទ្វីប​អឺរ៉ុប ដោយ United ឈ្នះ​២ប្រកួត​ និង Sociedad ឈ្នះ១ប្រកួត​ ហើយស្មើគ្នា​២ប្រកួត។

ការព្យាករណ៍​ :​​ Manchester United បានប្រកួតចាញ់ការប្រកួត២លើកចុងក្រោយរបស់ពួកគេ ជាមួយនឹងក្រុមមកពីអេស្ប៉ាញកាលពីរដូវកាលមុន ជាមួយនឹងក្រុម Atletico Madrid​ ។​ Real Sociedad បានប្រកួតឈ្នះការប្រកួតក្នុងផ្ទះ២លើកចុងក្រោយ នៅក្នុងក្របខ័ណ្ឌ Europa League ដែលជាចំនួនការឈ្នះដ៏ច្រើនដូចដែលពួកគេបានប្រកួតឈ្នះ ក្នុងការប្រកួតក្នុងដី១០ប្រកួតមុន នៅក្នុងការប្រកួតពានរង្វាន់នេះ។ យើងជឿថា Real Sociedad នឹងប្រកួតឈ្នះ ឬស្មើក្នុងការប្រកួតនេះ៕